11 Mehefin 2025

Cyfarfod y Bwrdd Diogelu Annibynnol Cenedlaethol (NISB)

Cofnodion Cyfarfod

Dyddiad: 11 Mehefin 2025    Amser: 09.30am Cyfarfod Teams

Yn bresennol:

• Tony Young (Cadeirydd NISB)

• Lin Slater (Is-gadeirydd NISB)

• Carys James (Aelod o Fwrdd NISB)

• Artie Meakin (Aelod o Fwrdd NISB) 

• Emma Logan (Ysgrifennydd NISB)

Ymddiheuriadau:

• Desmond Mannion (Aelod o Fwrdd NISB)

Eitemau’r Agenda a Chrynodeb Manwl:

1. Croeso ac Ymddiheuriadau:

I ddechrau’r cyfarfod estynnodd y Cadeirydd groeso i bawb a nodi’r ymddiheuriadau. 

2. Gwrthdaro Buddiannau:

Gofynnodd y Cadeirydd i’r aelodau ddatgan unrhyw wrthdaro buddiannau, ond ni chafwyd unrhyw ddatganiadau.

3.  Cofnodion a Chamau Gweithredu’r Cyfarfod Blaenorol:

Adolygwyd a chymeradwywyd cofnodion y cyfarfod blaenorol gyda mân newidiadau.

4. Arolwg Diogelu yng Nghymru: Adrodd Gorfodol

Nodwyd bod Llywodraeth Cymru yn cynnal arolwg i gasglu barn ynghylch argymhelliad 13 o adroddiad yr IICSA ynghylch adrodd gorfodol ac archwilio goblygiadau gosod dyletswyddau adrodd gorfodol neu fesurau amgen ar unigolion sy’n gweithio gyda phlant ac oedolion a allai fod mewn perygl.  Nodwyd bod anhawster wedi codi wrth geisio cael mynediad i weithdai cysylltiedig. 

Tynnodd y Cadeirydd sylw at y ffaith bod Llywodraeth Cymru yn tybio’n flaenorol fod darpariaeth ar gyfer adroddiadau gorfodol eisoes wedi’i chynnwys mewn deddfwriaeth bresennol a chanllawiau cydweithio. Cytunwyd y byddai NISB yn cyfrannu at ymateb. Efallai y byddai angen estyniad byr i gyflawni hyn. Drafftio ymateb i’w gylchredeg o amgylch y Bwrdd, a gwneud cais am estyniad byr i’r dyddiad cau ar gyfer ymateb. 

5. Ymddiriedolaeth Ann Craft:

Nid oedd presenoldeb wedi’i gadarnhau, felly nodwyd y dylid mynd ar drywydd hyn a chynnig cyfle i fod yn bresennol yn un o gyfarfodydd y Bwrdd yn y dyfodol.

6. Uwch Reolwr Polisi Pobl Hŷn, Llywodraeth Cymru:

Roedd Hazel Jones (Uwch Reolwr Polisi Pobl Hŷn, Llywodraeth Cymru) yn bresennol i roi’r newyddion diweddaraf i NISB am y Cynllun Gweithredu Cenedlaethol ar gyfer Atal Cam-drin Pobl Hŷn. Mae hyn yn cael ei ddatblygu a bron wedi’i gwblhau. Codwyd pryderon ynghylch y diffyg ymgysylltiad â byrddau diogelu rhanbarthol. Mynegodd y Bwrdd obaith y byddai polisi a gweithredu drwy’r cynllun gweithredu yn cyd-fynd â’r fframwaith diogelu ehangach ac yn cynnwys yr holl randdeiliaid perthnasol. 

7. Taryn Stephens, Dirprwy Brif Swyddog Gofal Cymdeithasol, Llywodraeth Cymru – Diweddariad:

Adolygiad Llywodraethu: Mae adolygiad llywodraethu diogelu yn cael ei gynllunio a bydd adolygwr annibynnol yn cael ei gomisiynu i gynnal yr adolygiad. Bydd y Bwrdd Diogelu Annibynnol Cenedlaethol (NISB) wedi’i gynnwys yng nghwmpas yr adolygiad hwnnw. Bydd hyn yn ddefnyddiol i greu eglurder ynghylch trefniadau llywodraethu diogelu ar draws tirlun diogelu Cymru. Mae cylch gorchwyl yn cael ei ddatblygu gydag amserlenni ar gyfer yr adolygiad Medi 2025-Ebrill 2026.

Adolygiad Diogelu Unedig Sengl (SUSR): Mae trafodaeth â NISB wedi’i chynllunio ar ôl mis Gorffennaf i ystyried sut y gellir sicrhau’r effaith orau o’r methodolegau sydd wedi’u sefydlu ar hyn o bryd ar gyfer dysgu, e.e. adolygiadau thematig a dysgu peirianyddol o adolygiadau ymarfer. 

Proses Recriwtio: Ystyriwyd trosolwg o’r broses recriwtio ar gyfer penodi Cadeirydd newydd NISB, ac os na fydd holl swyddi’r bwrdd wedi’u llenwi, efallai y bydd opsiwn i gynnal proses recriwtio allanol. Y nod yw sicrhau bod y cadeirydd newydd yn ei le gyda chyfnod trosglwyddo digonol cyn i dymor y cadeirydd presennol ddod i ben ym mis Mai 2026. 

Data Rhan 5: Mewn ymateb i ymholiad y Bwrdd ynghylch pa ddata sydd ar gael yn gysylltiedig â Rhan 5 o Weithdrefnau Diogelu Cymru Gyfan, awgrymwyd y dylai hon fod yn eitem i’w thrafod gyda Chadeiryddion y Byrddau Diogelu Rhanbarthol yn y cyfarfod nesaf sydd wedi’i gynllunio ar gyfer mis Gorffennaf. 

Cynllun Gweithredu Pobl Hŷn: Cododd y Cadeirydd y pryderon canlynol ynghylch y diweddariad cynharach ar y Cynllun Gweithredu Cenedlaethol ar gyfer Atal Cam-drin Pobl Hŷn. Yn benodol, awgrymwyd y gellid gwneud y cynllun yn llawer cryfach ac yn fwy effeithiol o gynnwys ymgysylltu ystyrlon â byrddau diogelu rhanbarthol ac asiantaethau statudol. Soniwyd y dylid adolygu’r cynllun i fynd i’r afael â’r bylchau hyn er mwyn gwella ei effaith gyffredinol. 

Cytunodd TS y byddai’r adborth a ddarparwyd gan NISB yn cael ei ystyried.

8. Cwblhau Rhaglen Waith NISB 2025-2026:

Adolygwyd a chwblhawyd y rhaglen waith gan roi diweddariadau ar amrywiaeth o eitemau i’w gweithredu.Cytunwyd y gellid cyfieithu’r Cynllun Gwaith a’i gyhoeddi ar wefan NISB. 

9. Trafodaeth ar Gadeirydd y Bwrdd 2026-2029:

Ystyriwyd y broses ar gyfer penodi cadeirydd newydd NISB.

10. Portffolios NISB:

Trafodwyd Portffolios NISB. Cytunwyd y byddai’r matrics portffolio yn cael ei rannu ymhlith aelodau’r bwrdd iddynt allu ei ddiweddaru. Y matrics terfynol i gael ei rannu a’i drafod yn ystod y Diwrnod Datblygu sydd wedi’i gynllunio. 

11. Ymgynghoriad – Ymateb, Uwchgyfeirio a Phryderon:

Cytunwyd y byddai CJ yn drafftio ymateb ffurfiol NISB a’i rannu ymhlith aelodau’r Bwrdd i’w adolygu ac i gynnig sylwadau ychwanegol.

12. Diweddariad Recriwtio NISB:

Mae’r broses recriwtio ar gyfer aelodau newydd o’r bwrdd yn parhau, gan ddisgwyl cymeradwyaeth gan weinidogion.Disgwylir y bydd cyfweliadau’n cael eu cynnal ar 27 Mehefin.

13. Diwrnod Datblygu Gorllewin Morganwg:

Mae gwahoddiad wedi dod i law i NISB fynd i Ddiwrnod Datblygu Gorllewin Morganwg, sydd wedi’i drefnu ar gyfer 27 Mehefin. Cytunwyd y byddai DM yn bresennol, gyda CJ wrth gefn.

14. Wythnos Diogelu: 

Hysbysodd yr Is-gadeirydd y bwrdd y bydd y Bwrdd Diogelu Annibynnol Cenedlaethol (NISB) yn cynnal ei gynhadledd flynyddol ar 12 Tachwedd fel rhan o’i gyfraniad at Wythnos Diogelu. 

Bydd y digwyddiad yn canolbwyntio ar blant a thema benodol o “ddiogelu wrth bontio”. Mae’r Athro Christine Cocker, Prifysgol Dwyrain Anglia, wedi cytuno i roi cyflwyniad ar “ddiogelu wrth bontio”. 

Rydym wedi cysylltu â siaradwr sydd â phrofiad personol, ac rydym yn disgwyl am gadarnhad.

Gofynnwyd am gael anfon hysbysiad “cadwch y dyddiad yn rhydd” at holl reolwyr busnes y byrddau diogelu rhanbarthol, i’w hysbysu ynghylch cynhadledd NISB ar 12 Tachwedd, a’i ffocws ar blant a diogelu wrth bontio.

15. Mewnflwch NISB:

Nodwyd problemau wrth gael mynediad i fewnflwch NISB, a chadarnhaodd EL fod hyn wedi’i gyfeirio i sylw Lletywyr y Wefan i’w weithredu cyn gynted ag sy’n bosibl. 

16. Diweddariadau’r Bwrdd Rhanbarthol:

Rhannwyd y wybodaeth ddiweddaraf gan wahanol fyrddau rhanbarthol. 

17. Diweddariadau Rhanddeiliaid:

Darparwyd diweddariadau gan y Gwasanaeth Lles Addysg, Arolygiaeth Gofal Cymru, Arolygiaeth Iechyd Cymru, WVCS, Estyn, Swyddfa Archwilio Cymru, Comisiynydd Plant Cymru, Comisiynydd Pobl Hŷn, Diogelu a Phobl Agored i Niwed, Gwrthgaethwasiaeth a Grŵp Cynllunio’r 4 Gwlad.